ბრიუსელში ნატო-ს მინისტერიალი გრძელდება.

წევრი ქვეყნების საგარეო საქმეთა უწყების ხელმძღვანელების მონაწილეობით, დღეს, ავღანეთის მტკიცე მხარდაჭერის მისიის საკითხზე დაგეგმილი შეხვედრა გაიმართება, რომელშიც საქართველოს საგარეო საქმეთა მინისტრიც მიიღებს მონაწილეობას.

მომავალ წელს, საქართველო ნატო-ს სამხედრო კომიტეტის გარდა, საპარლამენტო ასამბლეასაც უმასპინძლებს.

ასევე 2017 წელს, უმაღლეს დონეზე გაიმართება ნატო-საქართველოს კომისიის სხდომა თავდაცვის და ევროატლანტიკურ სტრუქტურებში ინტეგრაციის საკითხებში სახელმწიფო მინისტრების მონაწილეობით. განხილვის თემა წლიური ეროვნული პროგრამა იქნება.