ჯვარი, სვეტიცხოველი, სამთავრო - მცხეთის ისტორიულ ძეგლებზე გაძლიერებული დაცვის რეჟიმი ამოქმედდება. ეს გადაწყვეტილება დღეს პარიზში იუნესკოს შტაბ-ბინაში შეიარაღებული კონფლიქტის დროს კულტურულ ფასეულობათა დაცვის კომიტეტმის სესიაზე მიიღეს.
საგარეო საქმეთა სამინისტროს ინფორმაციით, კომიტეტის წევრებმა მიიჩნიეს, რომ საქართველოს მიერ წარდგენილი ძეგლი ამ სტატუსის მინიჭებისთვის აუცილებელ სამივე პირობას აკმაყოფილებს.კერზოდ, ძეგლი უდიდეს მნიშვნელობას წარმოადგენს კაცობრიობისთვის, დაცულია შესაბამისი კანონმდებლობით და ადმინისტრაციული ზომებით, რაც მის ისტორიულ მნიშვნელობას აღიარებს და ძეგლის განსაკუთრებულ დაცულობას უზრუნველყოფს.
ასევე, ძეგლი არ გამოიყენება სამხედრო მიზნებისთვის, ან სამხედრო ობიექტების ფარად..გაძლიერებული დაცვის ქვეშ არსებულ ძეგლს კი იმუნიტეტი იცავს, რომლის ხელყოფაც შეიარაღებული კონფლიქტის დროს სისხლის სამართლის პასუხისმგებლობას ითვალისწინებს.