გადაცემა #ინტერVIEW-ს დღევანდელი გამოშვების სტუმარია, ამერიკელი მსახიობი, რეჟისორი და აქტივისტი ლისა უოლპე, რომელიც 1993 წლიდან ხელმძღვანელობს ლოს-ანჯელესის (აშშ) შექსპირის ქალთა დასს.

უოლპეს დადგმული აქვს არაერთი სპექტაკლი. ქალი პერსონაჟების გარდა, შესრულებული აქვს მამაკაცის როლები: ჰამლეტი, რიჩარდ მესამე, რომეო, შაილოკი, იაგო და სხვა.

ლისა უოლპე ახლახან პრაღას სტუმრობდა მონოსპექტაკლით „შექსპირი და გენდერის ალქიმია“. გარდა შექსპირის ტექსტებისა და პერსონაჟებისა, უოლპე ამ პიესაში გვიყვება თავისი ოჯახის ბიოგრაფიაზე, რომელიც გადაჯაჭვულია ომთან, ჰოლოკოსტთან, ფაშისტურ რეპრესიებთან, გენდერულ ძალადობასთან. რისი თქმა შეუძლია თანამედროვე ცხოვრებაზე, პოლიტიკაზე, ძალაუფლებაზე, სიძულვილზე, სიყვარულზე თუ შურისძიებაზე შექსპირს - გვიანდელი რენესანსის სულისკვეთების გამომხატველ თუ მოდერნულობის წინა პერიოდის უდიდესი ძეგლების ავტორს, რომლის ვინაობა დღემდე იდუმალებითაა მოცული?

რას გვეუბნება ის ქალის და კაცის როლებსა თუ ფუნქციებზე ისეთ ტექსტებში, როგორებიცაა „ჭირვეულის მორჯულება“, „მაკბეტი“, „რომეო და ჯულიეტა“, „რიჩარდ III“, „ჰამლეტი“ თუ სხვა, და რამდენად აქტუალურია მისი პერსონაჟების გენდერული ფუნქციები თუ როლები