9 დეკემბერი, 2016
•ინციდენტი მოხდა თბილისის ეროვნულ პარკში. ბრაკონიერმა რეინჯერს სანადირო თოფიდან ესროლა, საპასუხო გასროლა კი რეინჯერმაც განახორციელა.

•პარლამენტის საგარეო ურთიერთობათა კამოტეტის ყოფილი თავმჯდომარე თედო ჯაფარიძე საქართველოს პრემიერ-მინისტრის მრჩევლად დაინიშნა. გიორგი კვირიკაშვილმა შესაბამისი ბრძანება უკვე გამოსცა, რომელიც საქართველოს მთავრობის ოფიციალურ ვებგვერდზე გამოქვეყნდა. თედო ჯაფარიძე პრემიერის მრჩეველი საგარეო ურთიერთობათა საკითხებში იქნება.

•უვიზო რეჟიმი საქართველომ შესაძლოა უფრო ადრე მიიღოს, ვიდრე უკრაინამ.- აღნიშნულს სოციალური ქსელ ,,ტვიტერში” პირად გვერდზე „რადიო თავისუფლების“ კორესპონდენტი რიკარდ იოზვიაკი წერს.

•საქართველოს მოქალაქეებისთვის შენგენის ზონაში უვიზოდ მიმოსვლა სავარაუდოდ 2017 წლის დასაწყისში ამოქმედდება. ამის შესახებ სახელმწიფო მინისტრმა ევროპულ და ევროატლანტიკურ სტრუქტურებში ინტეგრაციის საკითხებში ვიქტორ დოლიძემ განაცხადა.

•საფრანგეთის საგარეო საქმეთა მინისტრი საქართველოსთან ვიზალიბერალიზაციის პროცესის დასრულებას უახლოეს მომავალში ელოდება. ამის შესახებ ჟან მარკ ერომ საქართველოს საგარეო საქმეთა მინისტრთან შეხვედრისას განაცხადა.

•მომავალი წლიდან სუამის წევრი ქვეყნები იაპონიასთან და აშშ-თან პარტნიორობას კიდევ უფრო გააფართოვებენ.

•საქართველოს პრეზიდენტი აღმოსავლურ ენათა და კულტურათა ეროვნულ უნივერსიტეტში ქართული ენის კათედრის პროფესორებსა და სტუდენტებს შეხვდა.

•დღეს პარლამენტის სამი კომიტეტის გაერთიანებულ სხდომა გაიმართება. საფინანსო-საბიუჯეტო, დარგობრივი ეკონომიკისა და ეკონომიკური პოლიტიკის, ევროპასთან ინტეგრაციის და რეგიონული პოლიტიკისა და თვითმმართველობის კომიტეტების გაერთიანებულ სხდომაზე, სახელმწიფო ბიუჯეტის საბოლოო პროექტსა და მასთან დაკავშირებულ საკანონმდებლო ინიციატივებზე იმსჯელებენ.

•ოპტიმიზაციის პროცესი ძალოვანი უწყებების გარდა ყველა სამინისტროს შეეხება.

•ფარული ჩანაწერების საქმეზე ბრალდებულები ზურაბ ჯამალაშვილი და ირაკლი ფხალაძე დღეს სავარაუდოდ სასამართლო დარბაზიდან გათავისუფლდებიან. თბილისის საქალაქო სასამართლო მათ მიმართ წარმოებულ სისხლის სამართლის საქმეზე იმსჯელებს.

•ახალგაზრდ იურისტთა ასოციაციამ კვლევა ჩაატარა, რომლის თანახმადაც ირკვევა, რომ აღმასრულებელი ხელისუფლების წევრს სახელმწიფოს მიერ იჯარით გაცემული ერთ-ერთი მსხვილი ობიექტი აქვს და ის ფინანსურ ვალდებულებებს არღვევს, მესამე სექტორისთვის ასევე გაურკვეველია ამ კომპანიის შემოსავლები და გადასახადები.

•რამდენად ანტიკორუფციულ ქვეყანაში ვცხოვრობთ, დღეს ამის შესახებ საერთაშორისო გამჭვირვალობა საქართველო ანგარიშს წარადგენს.

•თოვლის გამო მოძრაობა შეიზღუდა თბილისი სენაკი ლესელიძის საავტომობილო გზის ზესტაფონის მონაკვეთზე, სადაც ტრაილერებს არ ატარებენ.

•დაბალი ტემპერატურა საქართველოში დღეს დღის ბოლომდე შენარჩუნდება.

•სოლომონის კუნძულებზე 7.8 მაგნიტუდის სიმძლავრის მიწისძვრა მოხდა.

•უნგრეთის ხელისუფლებამ ქალაქ ბიჩკეში ლტოლვილთა ბანაკი ვადაზე ადრე დახურა.

•პენტაგონის ინფორმაციით, შეერთებული შტატების ხელმძღვანელობით მოქმედი კოალიციის მიერ განხორციელებული ოპერაციების შედეგად, სირიასა და ერაყში ისლამური სახელმწიფოს 50 ათასამდე მებრძოლია ლიკვიდირებული.

•შეერთებული შტატების სენატმა პენტაგონს რუსეთთან სამხედრო თანამშრომლობა აუკძალა.

•ფოთში, მალთაყვის უბანში 20-ზე მეტი თურქული ტრაილერი დგას.

•გარემოსა და ბუნებრივი რესურსების დაცვის მინისტრის მოადგილე საერთაშორისო სავალუტო ფონდის მისიის წარმომადგენლებს შეხვდა.