20 ივნისი, 2017
•ძლიერმა წვიმამ დედაქალაქში საცხოვრებელი სახლების ეზოები და სადარბაზოები დატბორა.

•ჩვენ შევთანხმდით იმაზე, თუ რა სახით ჩამოყალიბდება საარჩევნო სისტემა, ეს განცხადება პარლამენტის თავმჯდომარემ ,,ქართული ოცნების” ოფისში გამართული სახურული შეხვედრის შემდეგ გააკეთა.

•ვენეციის კომისიის მიერ გამოქვეყნებულ დასკვნაში საკონსტიტუციო რეფორმა დადებითად არის შეფასებული და ნათქვამია, რომ საარჩევნო სისტემის პროპორციულ მეთოდზე გადასვლის პროცესი პარლამენტში პლურალიზმს გაზრდის.

•საკონსტიტუციო ცვლილებებთან დაკავშირებით მიმდინარე კვირაში პარლამენტში რიგგარეშე სხდომების გამართვა იგეგმება.

•საპარლამენტო უმრავლესობის წარმომადგენლების აზრით, საქართველოში კონსტიტუციური მონარქიის აღდგენასთან დაკავშირებით საქართველოს კათოლიკოს-პატრიარქის მოსაზრება საინტერესო და გასათვალისწინებელია.

•პრემიერ-მინისტრი მიიჩნევს, რომ მიწის საკუთრებაზე გარკვეული შეზღუდვების დაწესება უცხოურ ინვესტიციებს პრობლემას არ შეუქმნის.

•აზერბაიჯანელი ჟურნალისტის აფგან მუხთარლის საქმესთან დაკავშირებით საპარლამენტო უმრავლესობა შინაგან საქმეთა მინისტრთან შეხვედრას გეგმავს.

•აფგან მუხთარლის ადვოკატი საპარლამენტო უმრავლესობის ინიციატივას აზერბაიჯანელი ჟურნალისტის საქმის საპარლამენტო ფორმატში განხილვის თაობაზე დადებითად აფასებს.

•ე.წ. ციანიდის საქმეზე ბრალდებული დეკანოზის ოჯახს პატრიარქი 21 ივნისს საპატრიარქოში შეხვდება.

•ბათუმის საქალაქო სასამართლოში დღეს 11-12 მარტის საპროტესტო აქციების ორგანიზების ბრალდებით დაკავებული მერაბ ღოღობერიძისა და ირაკლი ჩხვირკიას საქმის არსებითი განხილვა იწყება.

•საქართველოს პრეზიდენტი მოსმენების კანონთან დაკავშირებით დღეს საკონსტიტუციო სასამართლოს ოფიციიალურად მიმართავს.

•საკონსტიტუციო სასამართლო დღეს ისევ მიუბრუნდება მოსმენების შესახებ კანონის განხილვას.

•ჟენევაში საერთაშორისო მოლაპარაკებების მე-40-ე რაუნდი იწყება.

•ადამიანის უფლებების სწავლებისა და მონიტორინგის ცენტრში ,,შრომითი უსაფრთხოების შესახებ კანონში” ინიცირებული ცვლილებების ხარვეზებზე მიუთითებენ.

•თბილისში შეზღუდული შესაძლებლობების მქონე პირებზე პარკირების ახალი სტიკერების გაცემა დაიწყო.

•უკრაინის პრეზიდენტი პეტრო პოროშენკო ვაშინგტონში დღეს დონალდ ტრამპს შეხვდება.

•22 წლის ამერიკელი სტუდენტი, რომელიც ჩრდილოეთ კორეამ რამდენიმე დღის წინ გაათავისუფლა, გარდაიცვალა.

•ერთი სამხედრო დაიღუპა და 6 დაშავდა თურქეთის სამხედრო კოლონაზე განხორციელებული სარაკეტო იერიშის შედეგად.

•ტაილანდში გზაზე დამონტაჟებულ ნაღმს 6 სამხედრო პირი ემსხვერპლა, 4-კი მძიმედ დაშავდა.

•ჰელსინკში სამართალდამცველებმა შესაძლო ტერორისტული თავდასხმის შესახებ მიღებული ინფორმაციის საფუძველზე სპეცოპერაცია ჩაატარეს.