• ახალი კადრები შოთა პაკელიანის საქმესთან დაკავშირებით, ვიდეოკადრებს „ლიბერალი” ავრცელებს.
• თანამდებობიდან გათავისუფლებულია თბილისის პოლიციის დეპარტამენტის ისანი-სამგორის სამმართველოს მე-7 განყოფილების უფროსი. გათავისუფლების მიზეზი პოლიციის განყოფილებაში შოთა პაკელიანის პირადი ჩხრეკისას განხორციელებულ პროცედურებთან დაკავშირებით მიმდინარე გამოძიებაა.
• ნარკოდანაშაულში ბრალდებული შოთა პაკელიანის ადვოკატი გამოძიების არაეფექტიანობაზე მიუთითებს.
• ე.წ ციანიდის საქმეზე ბრალდებული დეკანოზ გიორგი მამალაძის საქმის განხილვა თბილისის საქალაქო სასამართლოში დღეს განახლდება.
• ყაჩაღობა მოხდა კასპის რაიონის სოფელ ახალქალაქში.
• უშგულში, სოფელ ჩვიბიანში კოშკი ჩამოინგრა.
• დღეს პარლამენტი საკონსტიტუციო ცვლილებების პროექტს მეორე მოსმენით განიხილავს.
• პრემიერმინისტრმა საკონსტიტუციო ცვლილებებთან დაკავშირებით სპეციალური ბრიფინგი გამართა.
• დოკუმენტი, რომელიც „ქართული ოცნების" შიგნით პოლიტიკურ გარიგებებს ემსხვერპლა - ასე აფასებენ პრეზიდენტის ადმინისტრაციაში საქართველოს პარლამენტის მიერ საკონსტიტუციო ცვლილებების პროექტის პირველი მოსმენით დამტკიცებას.
• პარლამენტის მიერ 115 ხმით მიღებული პროექტის არალეგიტიმურობაზე ლაპარაკობენ საპარლამენტო ოპოზიციაში.
• არასაპარლამენტო ოპოზიციური პარტიების საკოორდინაციო საბჭო საერთაშორისო საზოგადოებას სპეციალური წერილით მიმართავს.
• ჟენევის საერთაშორისო მოლაპარაკებების მე-40 რაუნდი დასრულდა. მოლაპარაკებების ფარგლებში ქართულმა მხარემ ლტოლვილთა და იძულებით გადაადგილებულ პირთა უსაფრთხო და ღირსეული დაბრუნება კიდევ ერთხელ მოითხოვა, რა დროსაც რუსეთის, აფხაზეთისა და ოსეთის დელეგაციებმა პროტესტის ნიშნად შეხვედრა დატოვეს.
• თბილისში საქართველო-ევროკავშირის ასოცირების კომიტეტის მესამე სხდომა გაიმართა. შეხვედრაზე მხარეებმა ქვეყანაში კანონის უზენაესობისა და ადამიანის უფლებათა დაცვის გაძლიერებისკენ მიმართული რეფორმები მიმოიხილეს.
• დიდი ბრიტანეთის პრემიერმინისტრი მზად არის ევროკავშირის იმ მოქალაქეებს, რომლებიც ბოლო 5 წლის განმავლობაში გაერთიანებულ სამეფოში ცხოვრობდნენ, „ბრექსიტის” შემდეგ ქვეყანაში დარჩენისა და მუდმივი ბინადრობის სტატუსი მიანიჭოს.
• საფრანგეთის პრეზიდენტმა ემანუელ მაკრონმა ბრიუსელში, ევროპული საბჭოს სამიტზე ცენტრალურ და აღმოსავლეთ ევროპის ქვეყნებს ვალდებულებების შესრულებისკენ მოუწოდა.
• ევროკავშირის ლიდერები ტერორიზმის წინააღმდეგ ბრძოლის მეთოდებზე შეთანხმდნენ.
• კიდევ ერთი საკითხი, რომელიც ბრიუსელში ევროკავშირის სამიტზე განიხილეს, რუსეთისთვის დაწესებული ეკონომიკური სანქციების გახანგრძლივებაა.
• „ლეიბორისტული პარტიის" ლიდერი საქმიანი ვიზიტით ამერიკის შეერთებულ შტატებში გაემგზავრა.
• „პოლიტიკური დიალოგი საქართველოში მწვანე ფინანსების მობილიზებისთვის“- ამ თემაზე შეხვედრა გარემოს დაცვის სამინისტროსა და ეკონომიკური თანამშრომლობისა და განვითარების ორგანიზაციის ინიციატივით გაიმართა.
• „ნეშენალ გეოგრაფიკმა” საქართველოს შესახებ სპეციალური ნომერი გამოსცა.
• ხელოვნების სასახლეში ოთარ მეგრელიძის პერსონალური გამოფენა გაიხსნა. ექსპოზიციაზე 100-მდე ნამუშევარია წარმოდგენილი, რომელიც გრაფიკულ და კალიგრაფიულ მხატვრობას და „ქართული პორტრეტების სერიას" აერთიანებს.