საქართველო ევროკავშირიდან ბოლო თარიღის დასახელებას ელის. ვიზალიბერალიზაციისთვის კიდევ ერთი პროცედურა გავლილია: შეთანხმებიდან ერთ კვირაში ევროპარლამენტმა, დღეს, უვიზო რეჟიმის შეჩერების მექანიზმის ახალი ვარიანტი დაამტკიცა.

კენჭისყრის შემდეგ დეპუტატები ამბობენ, რომ საქართველოს მოქალაქეებისთვის უვიზო მიმოსვლის დასაწესებლად ხელისშემშლელი ფაქტორები აღარ არსებობს. ახლა საჭიროა დღეს დამტკიცებული რეგულაციის ამოქმედება და საქართველოს ვიზალიბერალიზაციის საკითხის პლენარულ სხდომაზე გატანა, რაც იანვრის ბოლოს ან თებერვალშია ნავარაუდები.

ახალი განცხადებებით და პროგნოზებით ქეთი ქარდავა სტრასბურგიდან.