ინგლისის პრემიერლიგაში, გუშინ მე-16 ტური დასრულდა, რომელშიც „არსენალის" გარდა, ყველა ფავორიტმა მოიგო.

„მანჩესტერ იუნაიტედმა", სტუმრად „კრისტალ პალასი" დაამარცხა. შელჰარსტ პარკზე გამართული შეხვედრა საინტერესო გამოდგა.

პირველი ტაიმის დამატებით დროში, სტუმრები პოლ პოგბამ დააწინაურა. მასპინძლებმა თამაში 66-ე წუთზე გაათანაბრეს, ზუსტად ჯეიმს მაკ არტურმა დაარტყა. ამის მიუხედავად, მანჩესტერელებმა მაინც მოახერხეს, ლონდონიდან სამი ქულის წაღება.

მოურინიოს გუნდს გამარჯვება, ზლატან იბრაჰიმოვიჩმა მოუტანა. ვეტერენმა შვედმა 88-ე წუთზე, პოლ პოგბას პასის შემდეგ გაიტანა.

„იუნაიტედის" აქტივში, 16 ტურის შემდეგ 27 ქულაა. „მანკუნიანელები" ჯერჯერობით მეექვსე ადგილზე არიან.

პრემიერლიგის ლიდერი კი ლონდონის „ჩელსია", რომელმაც ბოლო ათი შეხვედრიდან ათივე მოიგო.