ინგლისის პრემიერლიგაში, გუშინ, მე-16 ტურის ორი შეხვედრა გაიმართა.

გუდისონ პარკზე, ლივერპულის „ევერტონმა", ლონდონის „არსენალს" უმასპინძლა.

მატჩი საკმაოდ საინტერესო გამოდგა. თავიდან სტუმრები ალექსის სანჩესმა დააწინაურა, თუმცა პირველი ტაიმის ბოლოს, სიმუს კოულმენმა წონასწორობა აღადგინა.

შეხვედრის დასრულებამდე, ოთხი წუთით ადრე, ეშლი უილიამსმა ლივერპულელებს გამარჯვება მოუტანა. საბოლოოდ 2:1. “ევერტონმა“ ამ მოგებით 23 ქულა მოაგროვა და სატურნირო ცხრილში, ჯერჯერობით მე-7 ადგილზეა.

რაც შეეხება არსენალს, ვენგერის გუნდი კვლავ მეორე პოზიციაზეა.

გუშინვე, მეორე შეხვედრაში, „ბორნმუთმა" მოქმედი ჩემპიონი „ლესტერი" მინიმალური ანგარიშით 1:0 დაამარცხა.

ტურის დარჩენილი შეხვედრები, დღეს და ხვალ გაიმართება.