ინგლისის პრემიერლიგაში 26-ე ტურის დარჩენილი შეხვედრა გაიმართა. კინგ პაუერ სთედიუმზე, "ლესტერ სიტიმ" "ლივერპულს" უმასპინძლა და ანგარიშით 3-1 დაამარცხა.

კლაუდიო რანიერის გათავისუფლების შემდეგ ეს ინგლისის მოქმედი ჩემპიონისთვის პირველი მატჩი იყო.

მასპინძლებმა მეტოქე ყველა კომპონენტში დაჩაგრეს. "ლესტერმა" პირველი ტაიმი ჯეიმი ვარდის და დანიელ დრინკუოტერის გოლებით 2-0 მოიგო. მეორე ტაიმის მე-15-ე წუთზე, ვარდიმ დუბლი გაიფორმა და შეხვედრის ბედი გადაწყვიტა.

"ლივერპულმა" ერთი ბურთი 68-ე წუთზე გაქვითა, თავი ფერნანდო კოუტინიომ გამოიჩინა. ამ მნიშვნელოვანი გამარჯვების შემდეგ "ლესტერმა" 24 ქულა მოაგროვა და ოდნავ მოშორდა გასავარდნ ზონას.

რაც შეეხება "ლივერპულს", იურგენ კლოპის გუნდი 49 ქულით სატურნირო ცხრილში მეხუთე ადგილზეა.