ინგლისის პრემიერლიგის 30-ე ტურის ცენტრალური მატჩი, გუშინ, სტემფორდ ბრიჯზე შედგა, სადაც გათამაშების ლიდერმა, ლონდონის ჩელსიმ მეოთხე ადგილოსან მანჩესტერ სიტის უმასპინძლა.

თამაში, როგორც მოსალოდნელი იყო, დაძაბული და საინტერესო გამოვიდა. მასპინძლებს ედენ აზარმა ულიდერა. ბელგიელმა ნახევარმცველმა, დუბლი შეასრულა. აზარს ჰეთტრიკის შესრულებაც შეეძლო, მაგრამ თერთმეტმეტრიანი დარტყმა ვერ გამოიყენა. გოლები მეათე და 35-ე წუთებზე გაიტანა.

სიტის მხრიდან, თავი არგენტინელმა სერხიო აგერომ გამოიჩინა. საბოლოოდ, ანტონიო კონტეს გუნდმა, თამაში 2-1 მოიგო. ჩელსი 69 ქულით კვლავ პრემიერლიგის დამაჯერებელი ლიდერია და უახლოეს მდევარს, თანაქალაქელ ტოტენჰემს, 7 ქულით უსწრებს.

მანჩესტერ სიტი 58 ქულით ისევ მეოთხე პოზიციაზეა.