გრძელდება ინგლისის პრემიერლიგის გათამაშება. გუშინ მეორე წრის ცენტრალური შეხვედრა ენფილდზე გაიმართა, სადაც "ლივერპულმა" ლონდონის "ჩელსის" უმასპინძლა.

ანტონიო კონტეს გუნდი, რომელიც ჩემპიონატის ლიდერია, 25-ე წუთზე დაწინაურდა. არისტოკრატები,ეფექტური საჯარიმო დარტყმით, ბრაზილიელმა დავიდ ლუიზმა დააწინაურა.

სტუმრებმა, ტაიმი 1-0 მოიგეს. მეორე ნახევარში სათამაშო უპირატესობას ლივერპული დაეუფლა. 52-ე წუთზე წონასწორობა ჰოლანდიელმა ჟორჟინიო ვეინალდუნმა აღადგინა.

აღსანიშნავია, რომ ჩელსის მოგებაც შეეძლო, თუმცა 76-ე წუთზე, დიეგო კოშტამ პენალტი ვერ გაიტანა. საბოლოოდ, საბრძოლო ფრე 1-1. ამ შედეგის შემდეგ, ლონდონურ კლუბს 56 ქულა აქვს და პრემიერლიგას კვლავ დამაჯერებლად ლიდერობს. ლივერპული კი, 46 ქულით მეოთხე ადგილზეა.