საკალათბურთო ევროლიგაში, გუშინ 28-ე ტურის ოთხი შეხვედრა გაიმართა. სამწუხაროდ, საკუთარ დარბაზში წააგო თორნიკე შენგელიას "ბასკონიამ".

ესპანურმა კლუბმა ათენის "პანათინაიკოსთან" დათმო შეხვედრა. შენგელიამ ძირითად ხუთეულში დაიწყო. ქართველმა კალათბურთელმა 17 წუთში: 6 ქულა 2 მოხსნა და ერთი პასი გააკეთა.

ბერძნებმა გადამწყვეტ უპირატესობას პირველ მეოთხედში მიაღწიეს, რომელიც 24-6 მოიგეს. ამის შემდეგ კი თამაში თანაბრად მიმდინარეობდა. საბოლოოდ პაომ 72-63 გაიმარჯვა,"ბასკონიას" გადაასწრო და სატურნირო ცხრილში მეხუთე ადგილზე გადაინაცვლა.

დღეს ევროლიგაში ტურის დარჩენილი 4 მატჩი შედგება. ცენტრალური დაპირისპირება პირეოსში გაიმართება, რომელშიც "ოლიმპიაკოსი" მადრიდის "რეალს" უმასპინძლებს