ნაციონალური საკალათბურთო ასოციაციის რეგულარულ სეზონში გუშინ ექვსი შეხვედრა გაიმართა.
ყველაზე დაძაბული და საინტერესო, იუნაიტედ ცენტრში ჩატარებული მატჩი გამოდგა, რომელშიც ჩიკაგო ბულზმა, დალას მავერიქსს უმასპინძლა.
მთელი თამაში თანაბარ ბრძოლაში მიმდინარეობდა.
გამარჯვებული უკანასკნელ წამებზე გამოვლინდა. უესლი მეტიუსმა მატჩის დასრულებამდე 11 წამით ადრე სამქულიანი ტყორცნით თავისი გუნდი დააწინაურა.
საპასუხო შეტევაში, კი დუეინ უეიდმა სირენასთან ერთად გაშვებული ბურთი ვერ ჩააგდო და სტუმართა გამარჯვება დაფიქსირდა.
დალასელებმა 99-98 გაიმარჯვეს. ტექსასურ გუნდში, საუკეთესო 20 ქულით, ჰარისონ ბარნსი გახლდათ, ხოლო ჩიკაგოს, 24 ქულით 12 პასით და 9 მოხსნით ჯიმი ბატლერი ლიდერობდა.
"დალას მავერიქსი" მომდევნო შეხვედრას, ზეგ მაიამიში, ადგილობრივი ჰიტის წინააღმდეგ ჩაატარებს, ხოლო ჩიკაგო, ფილიპს არენაზე 21 იანვარს, ატლანტა ჰოქსს დაუპირისპირდება.