დღეს დილით ნაციონალური საკალათბურთო ასოციაციის რეგულარული სეზონის სამი შეხვედრა გაიმართა.

თარგეტ ცენტრში "მინესოტა ტიმბერვულფსმა", მოქმედი ჩემპიონი "კლივლენდ კავალიერსი" მიიღო და საინტერესო შეხვედრაში 108-116 წააგო. ბოლო მეოთხედის წინ ანგარიში თანაბარი იყო. უკანასკნელ პერიოდში კი, სტუმრებმა შეძლეს გამარჯვების მოპოვება.

კავალერებს ლებრონ ჯეიმსმა ულიდერა, მეფემ 25 ქულა 14 ზუსტი პასი და 8 მოხსნა გააკეთა. მინესოტაში კი მორიგი შთამბეჭდავი მატჩი ჩაატარა ენდრიუ უიგინსმა, კანადელი კალათბურთელის მონაგარმა 41 ქულა შეადგინა.

"ტიმბერვულფსი" დასავლეთ კონფერენციაში ამ ეტპაზე მე-13 ადგილზეა. "კლივლენდი" კი აღმოსავლეთში კვლავ პირველ პოზიციაზეა. ტარიონ ლიუს გუნდის მომდევნო მეტოქე "ინდიანა პეისერსი" იქნება.