ნაციონალური საკალათბურთო ასოციაციის რეგულარული სეზონი გრძელდება.

დღეს დილით გამართული ექვსი შეხვედრიდან, ყველაზე საინტერესო, „ფინიქს სანზს" და „ნიუ იორკ ნიქსს" შორის გამართული შეხვედრა აღმოჩნდა.

ძირითად დროში გამარჯვებული ვერ გამოვლინდა. ფრე 101:101

ოვერტაიმში კი, მასპინძლებს უფრო გაუმართლათ, საბოლოოდ 113:111.

სანზის შემადგენლობაში, გუნდის ლიდერი, ერიკ ბლედსოუ გამოირჩა, რომელმაც 31 ქულა, 8 პასი და 6 მოხსნა გააკეთა. ნიუ იკორკელთა შორის საუკეთესო ლატვიელი კრისტაპს პორზინგისი გახლდათ 34 ქულით.

გამარჯვების მიუხედავად, არიზონული გუნდი, დასავლეთ კონფერენციაში, კვლავ ერთ-ერთი აუტსაიდერია.

„ნიქსი" კი აღმოსავლეთში პლეი ოფის ზონაშია და ამ ეტაპზე მეოთხე ადგილს იკავებს.

გუშინვე, ზაზა ფაჩულიას „გოლდენ სტეიტმა", სტუმრად დაამარცხა „ნიუ ორლეან პელიკანსი" ანგარიშით 113:109. ქართველ კალათბურთელს მცირე ტრავმა აქვს და შეხვედრაში მონაწილეობა არ მიუღია.