ნაციონალური საკალათბურთო ასოციაციის გათამაშებაში დღეს დილით მხოლოდ სამი შეხვედრა ჩატარდა.

იუნაიტედ ცენტრში "ჩიკაგო ბულზმა" "ოკლაჰომა სითი თანდერს" უმასპინძლა და პრაკტიკულად უშანსოდ დამარცხდა.

სტუმრებმა სამი მეოთხედის შემდეგ 22- ქულიან უპირატესობას მიაღწიეს და ბოლო 12 -წუთიანი მონაკვეთი, ფორმალობად აქციეს.

საბოლოოდ, 109-94 ბილი დონოვანის გუნდის სასარგებლოდ. ოკლაჰომას, როგორც მოსალოდნელი იყო, კვლავ რასელ უესტბრუკმა ულიდერა, რომელსაც მორიგ სამმაგ დუბლამდე 1 მოხსნა დააკლდა.

უკანახაზელმა, 21 ქულა, 14 შედეგიანი გადაცემა და 9 მოხსნა გააკეთა. დამარცხებულ ჩიკაგოში, საუკეთესო 22 ქულით დუეინ უეიდი იყო.

დარჩენილ ორ შეხვედრაში "ნიუ იორკ ნიქსმა" მედისონ სქუერ გარდენში "ნიუ ორლეან პელიკანსთან" 96-110 წააგო,

ხოლო, "მინესოტა ტიმბერვულვსმა" თარგეთ ცენტრში "დალასს მავერიქსს" 101-92 აჯობა.