NBA-ის რეგულარულ სეზონში, ბოლო პერიოდში არადამაჯერებელ თამაშს განაგრძობს მოქმედი ჩემპიონი კლივლენდ კავალიერსი. ტაირონ ლიუს გუნდმა, ამჯერად ჰიუსტონ როკეტსთან გასვლაზე წააგო.

„ტოიოტა ცენტრში“ გამართული შეხვედრა უაღრესად დაძაბული გამოდგა. ბოლო წუთებზე, მასპინძლებმა ჯეიმს ჰარდენის ძალისხმევით გადამწყვეტ უპირატესობას მიაღწიეს და საბოლოოდ 117-112 გაიმარჯვეს.

ჰარდენის შედეგი კი, სამმაგი დუბლია. როკეტსის უკანახაზელმა 38 ქულა 11 პასი და 10 მოხსნა გააკეთა.

კავალერებში კი ლებრონ ჯეიმსი გამოირჩა 30 ქულით. ჰიუსტონი დასავლეთ კონფერენციაში მესამე ადგილზეა. კლივლენდი აღმოსავლეთში ჯერჯერობით ინარჩუნებს ლიდერობას, თუმცა იქვე არიან ვაშინგტონ ვიზარდსი და ბოსტონ სელტიქსი.