გოლდენ სტეიტ უორიორზმა, ენ-ბი-ეის რეგულარულ სეზონში პირველი ადგილი გაინაღდა.

ოკლენდელებმა, დღეს დილით, სტუმრად ფინიქს სანზი ანგარიშით 120-111 დაამარცხეს და ორივე კონფერენციაში ლიდერობა გაიფორმეს.

ზაზა ფაჩულიამ კვლავ ძირითად ხუთეულში ითამაშა და 18 წუთში, აქტივში 4 ქულა, 3 მოხსნა და 2 პასი ჩაიწერა.

მორიგი ბრწყინვალე შეხვედრა ჩაატარა სტეფ კარიმ, რომელმაც 42 ქულა და 11 შედეგიანი გადაცემა გააკეთა.

გოლდენ სტეიტს 65 მოგება და 14 მარცხი აქვს. კალიფორნიული კლუბი ცხრა აპრილს, საკუთარ დარბაზში, ნიუ ორლეან პელიკანსს უმასპინძლებს.

რეგულარული სეზონის დარულებამდე სამი ტურია დარჩენილი. აპრილის შუა რიცხვებში პლეი-ოფის გათამაშება დაიწყება.