გოლდენ სტეიტ უორიორზმა, დღეს, დილით, რეგულარული სეზონის მორიგი მატჩი ჩაატარა და საკუთარ ორეკლ არენაზე, ბოსტონ სელტიქსთან წააგო.

აღსანიშნავია, რომ ეს მიმდინარე გათამაშებაში, ოკლენდელების მე-12 მარცხი გამოდგა და სან ანტონიო სფერსს კიდევ უფრო მიახლოების საშუალება მისცეს.

ბოსტონელები მეტოქეს სამი მეოთხედის განმავლობაში თანაბრად ეთამაშებოდნენ, ხოლო გადამწყვეტ მეოთხედში თავად მოაწყვეს სპურტი.

საბოლოოდ სელტიქსმა 99-86 გაიმარჯვა და აღმოსავლეთ კონფერენციაში, კვლავ მეორე ადგილზეა.

დღევანდელ შეხვედრაში, ზაზა ფაჩულიამ თავის გუნდს: 2ქულა 6 მოხსნა და 3 პასი შესძინა.

მასპინძლებს 25 ქულით კლეი ტომპსონმა ულიდერა. სტუმართა შორის კი აიზია ტომასი გამოირჩა 25 ქულით.

გოლდენ სტეიტი მორიგ შეხვედრას ზეგ, მინესოტა ტიმბერვულფსის წინააღმდეგ გამართავს, ხოლო სელტიქსის მეტოქე, დენვერ ნაგეტსი იქნება