„გოლდენ სტეიტ უორიორზის“ მორიგი გამარჯვება. ოკლენდელებმა დღეს, დილით რეგულარული სეზონის მორიგი შეხვედრა, სტუმრად "ჩის პეიკ არენაზე" "ოკლაჰომა სითი თანდერის" წინააღმდეგ ჩაატარეს და დამაჯერებელ გამარჯვებას მიაღწიეს.

სტუმრები თავიდანვე დომინირებდნენ და მეტოქეს მიახლოების შანსი არ მისცეს. ზაზა ფაჩულიამ ამჯერად, მხოლოდ 2 ქულა და 2 მოხსნა გააკეთა.

კალიფორნიელთა შემადგენლობაში საუკეთესო კლეი ტომპსონი იყო 34 ქულით. "ოკლაჰომას" ლიდერს, რასელ უესტბრუკს არ წაუვიდა თამაში და სამმაგი დუბლი ვერ შეასრულა. უესტბრუკმა 15 ქულა 8 მოხსნა და 7 პასი მიითვალა აქტივში. თამაშის საფინალო ანგარიშია 111-95 "გოლდენ სტეიტის" სასარგებლოდ.

სტივ კერის გუნდი დასავლეთ კონფერენციაში კვლავ ლიდერია და უახლოეს მდევარს "სან ანტონიო სფერსს" სამი მოგებით უსწრებს. "უორიორზი" მორიგ მატჩს ხვალ დალით "მავერიქსის" წინააღმდეგ ჩაატარებს.