ზაზა ფაჩულიამ „გოლდენ სტეიტ უორიორზის“ შემადგენლობაში, ერთ-ერთი ყველაზე შედეგიანი მატჩი ჩაატარა. მისმა გუნდმა, მოდაცენტრში, პორტლენდ ტრეილ ბლეიზერსი ურთულეს ბრძოლაში, ორი ქულის სხვაობით, ანგარიშით 113-111 დაამარცხა. ქართველმა კალათბურთელმა, 23 წუთში: 14 ქულა, 5 მოხსნა, 4 ჩაჭრა და 2 შედეგიანი გადაცემა გააკეთა.

საქართველოს ნაკრების კაპიტანი, შედეგიანობის მხრივ, თავის გუნდში, მხოლოდ კევინ დიურანტს და კლეი ტომპსონს ჩამორჩა. უშუალოდ მატჩს რაც შეეხება, ბოლო წამებზე „პორტლენდს“ მოგებაც შეეძლო, თუმცა ევან თერნერის პერიმეტრიდან ნატყორცნი ბურთი, არაზუსტი აღმოჩნდა და სტუმართა გამარჯვება დაფიქსირდა.

„გოლდენ სტეიტი“ დასავლეთ კონფერენციას კვლავ ლიდერობს. „ოკლენდელები“, მორიგ შეხვედრას, 2 თებერვალს, „შარლოტ ჰორნეტსის“ წინააღმდეგ საკუთარ დარბაზში ჩაატარებენ.