ზაზა ფაჩულიას 10 ქულა 4 მოხსნა და გოლდენ სტეიტის მორიგი დამაჯერებელი გამარჯვება პლეიოფში.

უორიორზი პორტლენდ ტრეილ ბლეიზერსს სერიას უკვე 2-0-ს უგებს. უკლენდელებმა მეორე საშინაო დაპირისპირებაშიც მარტივ და დამაჯერებელ გამარჯვებას მიაღწიეს.

მასპინძლეთა შორის 19 ქულით საუკეთესო სტეფ კარი გახლდათ. 16 ქულაა კლეი ტომპსონის მონაგარი. ამ გუნდების სერია პორტლენდში გადაინაცვლებს და მომდევნო ორი თამაში მოდა ცენტრში ჩატარდება.

გუშინვე, ვაშინგტონ ვიზარდსმა ატლანტა ჰოქსს 109-101 მოუგო, ხოლო ჰიუსტონ როკეტსმა ოკლაჰომა სითი თანდერს ანგარიშით 115-111 აჯობა.