„გოლდენ სტეიტ უორიორზის“ ზედიზედ მეორე მარცხი NBA-ის რეგულარულ სეზონში.
დღეს გამთენიისას სტივ კერის გუნდი სტუმრად იუნაიტედ ცენტრში "ჩიკაგო ბულსთან" დამარცხდა.

ოკლენდელების ძირითად ხუთეულში იყო ზაზა ფაჩულია. ქართველმა კალათბურთელმა, 14 წუთში 8 ქულა და 5 მოხსნა გააკეთა. უშუალოდ მატჩს რაც შეეხება, ჩიკაგოელებმა გადამწყვეტ უპირატესობას მესამე მეოთხედში მიაღწიეს, რომელიც 32-22 მოიგეს.

ილინოისელთა შემადგენლობაში 22 ქულით, 6 პასით და ხუთი მოხსნით ჯიმი ბატლერი გამოირჩა. "გოლდენ სტეიტში" კი საუკეთესო სტეფ კარი გახლდათ 23 ქულით.

საბოლოოდ "ბულსმა" თამაში ანგარიშით 94-87 მოიგო და აღმოსავლეთ კონფერენციაში კვლავ მეექვსე ადგილზეა. "უორიორზი" კი დასავლეთში პირველ პოზიციას ინარჩუნებს.