ზაზა ფაჩულიას და "გოლდენ სტეიტ უორიორზის" მორიგი გამარჯვება. რეგულარული სეზონის მორიგ შეხვედრაში ოკლენდელებმა საკუთარ დარბაზში "დეტროიტ პისტონსი" უპრობლემიდ ანგარიშით 127-107 დაამარცხეს.

ქართველი კალათბურთელი, კვლავ ძირითად ხუთეულში იყო. ზაზამ, 24 წუთში 7 ქულა, 5 მოხსნა და 2 პასი მიითვალა აქტივში.

"გოლდენ სტეიტს" კევინ დიურანტი ლიდერობდა 29 ქულით, 9 შედეგიანი გადაცემით და 6 მოხსნით. სტეფ კარის ანგარიშზე 24 ქულაა. ეს სეზონში "გოლდენ სტეიტის" 34-ე გამარჯვება გამოდგა.

სტივ კერის გუნდი დასავლეთ კონფერენციას დამაჯერებლად ლიდერობს და მთლიანად ჩემპიონატის ერთ-ერთი მთავარი ფავორიტია. "უორიორზი" 17 იანვარს მთავარ კონკურენტს და მოქმედ ჩემპიონ "კლივლენდ კავალიერსს" უმასპინძლებს.