ზაზა ფაჩულიას 1001-ე მატჩი ნაციონალურ საკალათბურთო ასოციაციაში. საქართველოს ნაკრების კაპიტანმა, დღეს, დილით, დალას მავერიქსის წინააღმდეგ გამართულ შეხვედრაში, კვლავ ძირითად ხუთეულში ითამაშა და გოლდენ სტეიტ უორიორზს 6 ქულა და 6 მოხსნა შესძინა.
ემერიქან ეირლაინს არენაზე გამართული თამაში, ოკლენდელების აშკარა უპირატესობით წარიმართა და საბოლოოდ, მათი გამარჯვებით, ანგარიშით 112-87 დასრულდა.
გოლდენ სტეიტს 23 ქულით კლეი ტომპსონმა ულიდერა. დალასში 16 ქულით, ვეტერანი გერმანელი, დირკ ნოვიცკი გამოირჩა.
უორიორზი დასავლეთ კონფერენციაში ლიდერობას განაგრძობს. სტივ კერის გუნდის მორიგი მეტოქე საკრამენტო კინგზი იქნება.