"გოლდენ სტეიტ ოურიორზის" მოულოდნელი მარცხი. დღეს გამთენიისას რეგულარული სეზონის ლიდერმა ემერიკან ერილაინს ცენტრში, აღმოსავლეთ კონფერენციის ერთ-ერთ აუტსაიდერთან, "მაიამი ჰიტთან" ანგარიშით 102-105 წააგო.

სტუმართა ძირითად ხუთეულში იყო ზაზა ფაჩულია. ქართველმა ცენტრმა, 27 წუთში 6 ქულა, 9 მოხსნა 2 პასი და 2 ჩაჭრა მიითვალა აქტივში.

ორივე გუნდის შემადგენლობაში საუკეთესო მაიამის კალათბურთელი, დიონ უეიტერსი იყო 33 ქულით. მარცხის მიუხედავად, "გოლდენ სტეიტი" მთლიანად ჩემპიონატში, კვლავ პირველ ადგილზეა. სტივ კერის გუნდი მორიგ შეხვედრას ზეგ სტუმრად, შარლოტ ჰორნეტსის წინააღმდეგ ჩაატარებს.