გოლდენ სტეიტ უორიორზის კიდევ ერთი დამაჯერებელი გამარჯვება. სტივ კერის გუნდმა, დღეს დილით, საკუთარ ორეკლ არენაზე, მინესოტა ტიმბერვულფსი ანგარიშით 121-107 დაამარცხა.

ზაზა ფაჩულიამ 19 წუთში 6 ქულა და 7 მოხსნა მიითვალა აქტივში. უორიორზს კლეი ტომპსონმა ულიდერა, რომელმაც 41 ქულა გააკეთა.

სტუმართა შორის საუკეთესო მაჩვენებელი ენდრიუ უიგინსს ჰქონდა. კანადელმა ფორვარდმა 24 ქულით დაასრულა მატჩი. ამ მოგების შემდეგ, გოლდენ სტეიტმა დასავლეთ კონფერენციაში პირველი ადგილი პრაქტიკულად გაინაღდა.

შეგახსენებთ, რომ რეგულარული სეზონის დასრულებამდე ოთხი ტურია დარჩენილი. პლეი-ოფი აპრილის შუა რიცხვებში დაიწყება.