ეროვნულ საფეხბურთო ლიგაში მესამე ტურის ცენტრალური მატჩი გორის "დილას" გამარჯვებით დასრულდა.

"დინამო თბილისმა" საკუთარ მოედანზე გორის "დილასთან" 1:2 წააგო. ანგარიში მეცხრამეტე წუთზე ბაჩანა არაბულმა გახსნა და "დინამო" დააწინაურა. 22-ე წუთზე წიქარიძემ წონასწორობა აღადგინა. 74-ე წუთზე კირკიტაძე გამარჯვების გოლის ავტორი გახდა და "დილამ" მიმდინარე ჩემპიონატში პირველი გამარჯვება მოიპოვა.

ეროვნული ლიგის მესამე ტურის კიდევ ერთი შეხვედრა ამ წუთებში “საბურთალოსა” და თბილისის “ლოკომოტივს” შორის მიმდინარეობს. პირველი ტაიმის შემდეგ ანგარიშია 1:1. ტურის ბოლო სამი შეხვედრა "ტორპედო"-"კოლხეთი", ბათუმის "დინამო"-"სამტრედია", "ჩიხურა"-"შუქურა" 19 მარტს გაიმართება.