საქართველოს საფეხბურთო ეროვნულ ლიგაში მეშვიდე ტურის ერთი შეხვედრა გაიმართა. გათამაშების ლიდერმა, თბილისის "ლოკომოტივმა" გორის "დილას" უმასპინძლა.

მიხეილ მესხის სახელობის სათადარიგო სტადიონზე გამართული მატჩი საკმაოდ შედეგიანი და დრამატული გამოვიდა. თავიდან რიბეირუს გოლით გორელები იგებდნენ. ამის შემდეგ "ლოკომოტივმა" მეტოქეს სამი ბურთი გაუტანა და კომფორტული უპირატესობა აიღო.

დუბლი ირაკლი სიხარულიძემ გაიფორმა, რომელიც ბომბარდირთა დავაში, 8 გოლით დაწინაურდა. ერთი გოლი კი გავაშელიშვილის ანგარიშზეა. 67-ე წუთზე სტუმართა ბრაზილიელმა ლეგიონერმა რიბეირუმ კიდევ ერთხელ აიღო მეტოქის კარი. ხოლო მსაჯის მიერ კომპენსირებულ, უკნასაკნელ წუთზე ფლავიო ნუბიომ თამაშის საბოლოო შედეგი დააფიქსირა.

ფრე 3-3. "ლოკომოტივი" ეროვნულ ლიგაში 14 ქულით ჯერჯერობით პირველ პოზიციას ინარჩუნებს. გორის "დილა" კი ამ ეტაპზე, მეშვიდე ადგილზე იმყოფება. ტურის დანარჩენი მატჩები, ხვალ ჩატარდება