საქართველოს საფეხბურთო ეროვნულ ლიგაში, მეექვსე ტურის შეხვედრები გაიმართა.

ზედიზედ მესამე გამარჯვებას მიაღწია თბილისის დინამომ. კახა კაჭარავას გუნდმა, ქობულეთში ბათუმის დინამო მინიმალური ანგარიშით 1-0 დაამარცხა.

ჩელე არენაზე ჩატარებული მატჩის ერთადერთი გოლი, საბა ლობჟანიძის გადაცემის შემდეგ, სტუმართა ფორვარდმა, ბექა მიქელთაძემ უკანასკნელ წუთზე გაიტანა.

ამ გამარჯვების შემდეგ, ქართული ფეხბურთის ფლაგმანმა გუნდმა სატურნირო ცხრილში მეორე ადგილზე გადაინაცვლა.

დინამოელების აქტივში 12 ქულაა და ლიდერ ლოკომოტივს ერთი ქულით ჩამორჩებიან.

მომდევნო ტურში, დინამო თბილისი საკუთარ მოედანზე ქობულეთის შუქურას უმასპნძლებს.