ევროპულმა კავშირმა რუსეთის წინააღმდეგ დაწესებული სანქციები კიდევ ნახევარი წლით გაახანგრძლივა. შესაბამისი გადაწყვეტილება ევროკავშირის ქვეყნების ლიდერთა სამიტზე მიიღეს, რომელიც ბრიუსელში გაიმართა.

სანქციები 2017 წლის 31 ივლისამდე იმოქმედებს. რუსეთის ენერგეტიკული, თავდაცვითი და ფინანსური სექტორების წინააღმდეგ შემზღუდავი ზომების გახანგრძლივებასთან დაკავშირებული ფორმალური პროცესი, სავარაუდოდ, მომავალი კვირიდან დაიწყება.

რუსეთის წინააღმდეგ სანქციები ევროკავშირმა 2014 წელს აღმოსავლეთ უკრაინის კონფლიქტისა და ყირიმის ანექსიის გამო დაუწესა.