ბარაქ ობამამ რუსეთის წინააღმდეგ დაწესებული სანქციები ერთი წლით გაახანგრძლივა - ეს ინფორმაცია თეთრი სახლის ვებ გვერდზე გამოქვეყნდა.
დოკუმენტს ხელს ქვეყნის მოქმედი პრეზიდენტი აწერს. საუბარია 2014 წელს , ყირიმის ანექსიის გამო რუსეთისთვის დაწსებულ სანქციებზე.
"შავ სიაში" მაშინ ბევრი რუსი მაღალჩინოსანი მოხვდა. მათ დღემდე ეკრძალებათ შეერთებული შტატების საზღვრის გადაკვეთა და ამერიკაში არსებული აქტივები გაყინული აქვთ.
პარალელურად, გამოცემა "ვოლ სტრითისთვის" მიცემულ ინტერვიუში ამერიკის არჩეულმა პრეზიდენტმა განაცხადა, რომ რუსეთის წინააღმდეგ დაწესებული სანქციების მოხსნას ჯერჯერობით არ აპირებს. თუმცა ტრამპმა არ გამორიცხა სანქციების მოხსნის შესაძლებლობა იმ შემთხვევაში, თუ რუსეთი ტერორიზმის წინააღმდეგ ბრძოლაში თავს გამოიჩენს.