საზღვაო ნავსადგურის სახელმწიფო ზედამხედველობის და კონტროლის სამსახურის ინფორმაციით, ფოთის პოტიდან ოთხი გემი ბათუმის პორტში გადამისამართდა, ოთხი კონტეინერმზიდი კი კვლავაც ფოთის ნავსადგურში შესვლას ელოდება.

ნავსადგურის ადმინისტრაციის განცხადებით, მათ საკუთრებაში არსებული მიწახაპია გემი ,,ნიკო ნიკოლაძე“ ჩართულია დაღრმავებით პროცესში, დღეიდან კი მასთან ერთად სამუშაოებს განახორციელებს გემი ,,ასტრა“, რომელიც ნავსადგურმა უცხოური კომპანიისაგან დაიქირავა.

საკონტეინერო გადაზიდვების წარმომადგენლები კი ზარალზე საუბრობენ და ხელისუფლების ყურადღებას ითხოვენ.

შეგახსენებთ, რომ ბოლო ორი კვირის განმავლობაში განვითარებულმა ძლიერმა შტორმმა პორტის პარალიზება გამოიწვია.