გაეროს გენერალური მდივანმა ბან კი მუნმა სამხრეთ კორეის პრეზიდენტობისთვის ბრძოლის შესახებ მიანიშნა. ამის შესახებ გენერალური მდივნის რანგში მის ბოლო პრესკონფერენციაზე დასმულ კითხვაზე ბან კი მუნმა ირიბად უპასუხა და აღნიშნა, რომ ფიქრობს იმაზე, თუ როგორ დაეხმაროს საკუთარ ქვეყანას პოლიტიკური კრიზისიდან გამოსვლაში.

მუნის თქმით, უფლებამოსილების ამოწურვის შემდეგ ის სამშობლოში გამგზავრებას გეგმავს. გენერალური მდივნის პოსტზე მუნს ანტონიო გუტერიში პირველ იანვარს შეცვლის.