სამხრეთ კორეის ერთ-ერთი ყველაზე მაღალრეიტინგული საკაბელო ტელეკომპანია, საქართველოს ტურისტული მიმართულების შესახებ ფილმს იღებს.

ტელეკომპანიის გადამღები ჯგუფი, ტურიზმის ადმინისტრაციის ორგანიზებით, საქართველოს ეწვია. ერთსაათიან დოკუმენტურ ფილმში განსაკუთრებული ყურადღება ქართულ კერძებს და ღვინოს დაეთმობა.

პრესტურის ფარგლებში, მედიის წარმომადგენლებმა თბილისი, მცხეთა, სტეფანწმინდა, სიღნაღი, ბათუმი და საქართველოს სხვა რეგიონები მოინახულეს და ტურისტული ღირსშესანიშნაობები გადაიღეს. კორეელი ჟურნალისტებისთვის სპეციალური კულინარიული მასტერკლასები გაიმართა.