ქუთაისის საერთაშორისო აეროპორტში ავიარეისები განახლდა, ამის შესახებ საზოგადოებრივ მაუწყებელს ქუთაისის საერთაშორისო აეროპორტის პრესსამსახურში განუცხადეს. მათი ცნობით, უამინდობის მიზეზით, ავიარეისები რამდენიმე საათის განმავლობაში შეფერხებული იყო.

ავიაკომპანია "ვიზეარის" თვითმფრინავი, რომელიც მემინგენი-ქუთაისის რეისს ასრულებდა, ძლიერი ყინვისა და თოვლის გამო, ქუთაისის ნაცვლად, თბილისის საერთაშორისო აეროპორტში დაეშვა. სალონიკის დღევანდელი რეისი გაუქმებულია.

ავიარეისებთან დაკავშირებით განახლებული ინფორმაცია ქუთაისის საერთაშორისო აეროპორტის „ფეისბუქის“ გვერდზეა გამოქვეყნებული, რომლის მიხედვითაც ბუდაპეშტიდან თვითმფრინავი ჩამოფრინდება 18 დეკემბერს, 05:50 სთ-ზე და ქუთაისიდან ბუდაპეშტის მიმართულებით გაემგზავრება 06:20 სთ-ზე.

ვარშავას რეისი ჩამოფრინდება 18 დეკემბერს 06:10 სთ-ზე და გაფრინდება 06:40 სთ-ზე.

სოფიას მიმართულებით რეისი შესრულდება 14:30 სთ-ზე.