თბილისის საერთაშორისო აეროპორტში მგზავრთა პროგრამული რეგისტრაცია აღდგა. "ტავ ჯორჯიას" გენერალური მენეჯერის მოადგილის, თეა ზაქარაძის განცხადებით, მიმდინარე რეისები პროგრამულად სრულდება, პრობლემა კი საბოლოოდ მაქსიმუმ ერთ საათში აღმოიფხვრება.
"მინდა ყველას მოვუწოდო სიმშვდისკენ. გუშინ მგზავრთა სარეგისტრაციო სისტემა "სიტას" თბილისის ხაზს შეექმნა პრობლემა. ნაწილს ავიაკომპანიებს სისტემა ჩვეულებრივ მიეწოდებოდა, ნაწილთან პრობლემა იყო შემომავალ ხაზზე. წუხელ უპრობლემოდ მუშაობდა "აეროფლოტი", "პეგასუსი" და ა.შ. მინდა განვმარტო, რომ ეს არ ყოფილა ჩვენი აეროპორტის პრობლემა",- აცხადებს თეა ზაქარაძე.
თეა ზაქარიძე აღნიშნავს, რომ შეფერხების გამო 22 რეისიდან 7 დაგვიანებით შესრულდა. დაგვიანების მაქსიმალური დრო კი საათი და 15 წუთი იყო.
" პრობლემის წარმოქმნისთანავე ჩვენ დავუკავშირდით "სიტას" კანადის ოფისს და დავიწყეთ პრობლემის აღმოფხვრა. პრობლემა ჩვენგან დამოუკიდებლად შეიქმნა და ვწუხვართ ამის გამო,"- აღნიშნა თეა ზაქარაძემ.