ისევ შეზღუდვებია საავტომობილო გზებზე. თოვლისა და ყინვის გამო, მოძრაობის სპეციალური რეჟიმია დაწესებული რამდენიმე მონაკვეთზე.
გზების დეპარტამენტის ინფორმაციით, თბილისი-სენაკი-ლესელიძის გზაზე მოძრაობა დასაშვებია მხოლოდ მოცურების საწინააღმდეგო ჯაჭვებით.
მცხეთა-სტეფანწმინდა-ლარსის საავტომობილო გზის მლეთა-კობის მონაკვეთზე აკრძალვა მხოლოდ მისაბმელიან ტრანსპორტზე ვრცელდება.
დიდთოვლობის გამო, გადაადგილება აკრძალულია ყველა სახის ტრანსპორტისთვის ქუთაისი-წყალტუბო-ცაგერი-ლენტეხის გზაზე.
რაც შეეხება ბათუმი- ახალციხის და ზუგდიდი ჯვარი –მესტიის მონაკვეთებს, ორივე შემთხვევაში მოძრაობა დასაშვებია მოცურების საწინააღმდეგო ჯაჭვების გამოყენებით. გზების დეპარტამენტის ინფორმაციით, გაწმენდითი სამუშაოები 24-საათიან რეჟიმში მიმდინარეობს.