დეკემბერი 18, 2016
490
ფოთის პორტში გემების მოძრაობის პროცესი ისევ შეზღუდულია. ნავსადგურის ინფორმაციით, მათ საკუთრებაში არსებული ერთი გემი უკვე ჩართულია გაწმენდით სამუშაოებში. ასევე, რეიდზე დგას კიდევ ერთი გემი, რომელიც ნავსადგურმა ერთ-ერთი უცხოური კომპანიისაგან დაიქირავა.
დაღრმავების პროცესში ტექნიკა რამდენიმე საათში უნდა ჩაერთოს. სამუშაოების დაწყებას ხელს უამინდობა უშლიდა. საკონტეინერო გადამზიდავი კომპანიების წარმოადგენლები ამბობენ, რომ ნავსადგურში მიმდინარე პროცესების შედეგად, მათ კომპანიებს სერიოზული ზარალი მიადგათ. ისინი ხელისუფლებას საკითხით დაინტერესებას სთხოვენ.
შეგახსენებთ, რომ ძლიერი შტორმის გამო, ფოთის პორტი 2 კვირაზე მეტია პარალიზებულია.
მაჩვენე მეტი