საზოგადოებრივი მაუწყებლის თანამშრომელთა ნაწილმა „მაუწყებლობის შესახებ“ კანონში ცვლილებების შესახებ საქართველოს პარლამენტს წერილობითი განცხადებით მიმართა.
საზოგადოებრივი მაუწყებლის საინიციატივო ჯგუფის წევრების განცხადებით, ცვლილებების მიზანს წარმოადგენს მოქმედ კანონმდებლობაში მაუწყებლის სამეურვეო საბჭოს და გენერალური დირექტორის უფლება-მოვალეობების გამიჯვნის საკითხი.
გოგა ჩართოლანის განცხადებით, კანონის 30-ე მუხლის ბ); გ) და თ) პუნქტი შესაძლებლობას აძლევს გენერალურ დირექტორს მაუწყებელში მიმდინარე პროცესებზე პასუხისმგებლობის სიმძიმე იურიდიული თვალსაზრისით დააკისროს სამეურვეო საბჭოს, ხოლო სამეურვეო საბჭოს კი სრულად ანიჭებს მენეჯერის ფუნქციებს, რამდენადაც მას საკუთრი ინიციატივით შეუძლია ცვლილებები შეიტანოს მაუწყებლის ბიუჯეტში, დებულებაში და შრომით ხელშეკრულებებში.
კანონის ამგვარი დათქმები კი საინიციატივო ჯგუფის აზრით, პრაქტიკულად შეუძლებელს ხდის მაუწყებლის ნორმალური და სტაბილური ფუნქციონირების პირობებს და იკვეთება გარკვეული პრობლემების ერთმანეთზე გადაბრალების საშიშროება.