კანონის არსებული რედაქციით, საზოგადოებრივი მაუწყებელი ვალდებულია რეზიდენტი მწარმოებლისგან ინტელექტუალური პროდუქტი (პროგრამები, გადაცემები, ფილმები, რეპორტაჟები, კულტურული ღონისძიებები) ან/და მასთან დაკავშირებული მომსახურება შეისყიდოს „სახელმწიფო შესყიდვების შესახებ“ საქართველოს კანონის შესაბამისად, ანუ ტენდერის საფუძველზე, რა შემთხვევაშიც უმთავრეს კრიტერიუმს არა ხარისხი, არამედ ფასი წარმოადგენს.

მაუწყებელი ახალ რედაქციაში ითხოვს არსებული რეგულაციის ჩანაცვლებას და ალტერნატივად კონკურსის ფორმის განხილვას, ხოლო „სახელმწიფო შესყიდვების შესახებ“ საქართველოს კანონის მოთხოვნათა გათვალისწინებას - მხოლოდ არაინტელექტუალური პროდუქციისა და მომსახურების შესყიდვის ნაწილზე.

წინადადება ეხება სარეკლამო რეგულაციების ნაწილსაც. ამჟმად მაუწყებელს აქვს უფლება სპონსორობა და კომერციული რეკლამა განათავსოს მხოლოდ სპორტული რეპორტაჟის, საერთაშორისო ფესტივალისა და კონკურსის ფარგლებში, პროგრამის დაწყების, ბუნებრივი ინტერვალისა და დასრულების დროს. ამ შემთხვევაში კომერციული რეკლამის მოცულობა დღე-ღამის განმავლობაში არ უნდა აღემატებოდეს 30 წუთს, ხოლო ყოველ საათში – 6 წუთს.

მაუწყებელი ითხოვს ხსენებული პროდუქციაში სარეკლამო დროის 30 წუთიდან 60 წუთამდე და შესაბამისად საათში 6- წუთიანი ლიმიტის 12 წუთამდე გაზრდას.

რაც შეეხება სპონსორობის ნაწილს, რეგულაციაში განსახორცილებელი ცვლილება გულისხმობს სპონსორობის გაყიდვის შესაძლებელობას, გარდა დაშვებული პროდუქტებისა, ასევე გასართობი შინაარსის პროდუქციაზე, მათ შორის მეგა-შოუებსა და სერიალებში არსებული დროითი რგულაციებით, დღე-ღამის განმავლობაში 30 წუთი, ხოლო ყოველ საათში 6 წუთი.

საზოგადოებრივი მაუწყებლის წინადადება ითვალისწინებს ასევე სოციალური რეკლამის დაზუსტებულ დეფინიციას.

მიმართვაში ასევე დაკონკრეტებულია ბიუჯეტირებისა და სტრუქტურული ცვლილებების ნაწილში სამეურვეო საბჭოსა და მენეჯმენტის კომპეტენციები.