სახალხო დამცველი ე.წ. ქუჩის ნარკოტესტირების პრაქტიკის შეცვლას ითხოვს.

შესაბამისი მოთხოვნით ომბუდსმენის აპარატმა საკონსტიტუციო სასამართლოს უკვე მიმართა და დღეს განმწესებელი სხდომაც გაიმართა.

სახალხო დამცველი ამბობს, რომ გონივრული ეჭვის საფუძველზე, ქუჩიდან მოქალაქეების გადაყვანა ნარკოტესტირებისთვის არაკონსტიტუციურია და ადამიანების უფლებების საყოველთაოდ აღიარებულ სტანდარტებს სცილდება.

სასამართლოსთვის მიმართვის შემდეგ ეტაპზე, საკონსტიტუციომ სარჩელი წარმოებაში უნდა მიიღოს, რის შემდეგაც უნდა განიხილოს და ბოლოს მიიღოს გადაწყვეტილება.