ლარის კურსის შეჩერება ვერ ხერხდება - მორიგი ინტერვენცია უშედეგო აღმოჩნდა. 40 მილიონი დოლარის გაყიდვის მიუხედავად, ეროვნული ვალუტა კიდევ ოთხი თეთრით გაუფასურდა.

საპარლამენტო უმცირესობა ეკონომიკის და ფინანსთა მინისტრებს პარლამენტში იბარებს, თუმცა ჯერ უცნობია, დააკმაყოფილებს თუ არა მოთხოვნას მთავრობის ეკონომიკური გუნდი, რომელიც კურსის მკვეთრ ვარდნას დოლარის გამყარების ტენდენციით და თურქული ლირის გაუფასურებით ხსნის.

ანალოგიური პოზიცია აქვს ეროვნულ ბანკსაც, რომელიც უახლოეს პერიოდში გარკვეული ზომების მიღებას აანონსებს. მათ შორისაა მონეტარული პოლიტიკის გამკაცრება.