ლარის გაცვლითი კურსის გაუფასურების გამო, ეროვნულმა ბანკმა 40 მილიონი დოლარის ინტერვენცია განახორციელა. თუმცა რეზერვიდან ვალუტის გამოტანით ლარი მაინც უფასურდება.

ეროვნული ბანკის ოფიციალური კურსით, ერთი ამერიკული დოლარი ორი ლარი და 78 თეთრი ღირს. ცვლილება 4 თეთრს ოდნავ აღემატება.

როგორია მთავრობის გეგმა გაცვლითი კურსის გაუფასურების შესაჩერებლად – კონკრეტული პასუხების მოსმენა საპარლამენტო უმცირესობას პარლამენტში სურს. "ერთიანი ნაციონალური მოძრაობა" მთავრობის ეკონომიკურ გუნდს საკანონმდებლო ორგანოში იბარებს.