დავით ოთხმეზურის მკვლელობაში ბრალდებული ასლან ბეჟანიძე თბილისის საქალაქო სასამართლოს მოსამართლე გიორგი დარახველიძემ სასამართლო დარბაზიდან გაათავისუფლა. მოსამართლემ ეს გადაწყვეტილება ორდღიანი თათბირის შემდეგ მიიღო.

ბრალდებულის ადვოკატი ტარიელ კაკაბაძე მიიჩნევს, რომ მოსამართლემ სამართლიანი გადაწყვეტილება მიიღო. როგორც ადვოკატი აცხადებს, სასამართლო პროცესზე მოწმეებმა სასამართლოს ცრუ ჩვენება მისცეს. ადვოკატის მტკიცებით, მოწმეების ჩვენებები ურთიერთსაწინააღმდეგო იყო.

შეგახსენებთ, რომ საქმე 2004 წელს, თბილისში, გამსახურდიასა და მიცკევიჩის ქუჩების კვეთაზე მომხდარ შემთხვევას ეხება, რა დროსაც დავით ოთხმეზური დაჭრეს, რომელიც რამდენიმე საათში, საავადმყოფოში გადაყვენის შემდეგ გარდაიცვალა.