კოალიცია "მედიის ადვოკატირებისთვის" საზოგადოებრივი მაუწყებლის გენერალური დირექტორის შესარჩევ კონკურსთან დაკავშირებით განცხადებას ავრცელებს.
მათი თქმით, სამეურვეო საბჭომ უნდა უზრუნველყოს საზოგადოებრივი მაუწყებლის დირექტორობის კანდიდატთა გასაუბრებისა და დებატების ტრანსლაცია.
„საქართველოს საზოგადოებრივ მაუწყებელს, აჭარის საზოგადოებრივ მაუწყებელთან ერთად, უკვე აქვს მსგავსი კონკურსების გამჭვირვალედ წარმართვის დადებითი გამოცდილება, როცა დაინტერესებულ საზოგადოებას ეძლეოდა საშუალება, რეალურ დროში ედევნებინა თვალი სამეთვალყურეო საბჭოსა და კანდიდატებს შორის გასაუბრების პროცესისთვის, საზოგადოებრივი მაუწყებლის განვითარების კონცეპტუალური მსჯელობებისთვის. საზოგადოების მხრიდან მაღალი ინტერესის გათვალისწინებით, სამეურვეო საბჭოსგან ველით შესაბამის ქმედებებს და კონკურსის ღიად და გამჭვირვალედ წარმართვას", - ნათქვამია განცხადებაში.