ლაგოდეხის რაიონში მცხოვრები სიფრაშვილების ექვსშვილიანი ოჯახი ახალ წელს საკუთარ სახლში შეხვდება.

ბინა მათთვის გამგეობამ შეიძინა. გამოიყო 10 ათასი ლარი, რასაც დაემატა მოქალაქეების მიერ ჩარიცხული 2 000 ლარი.

სოფელ ჰერეთის კარში მცხოვრები სიფრაშვილების ოჯახის მძიმე მდგომარეობის შესახებ მედიაში ინფორმაცია რამდენიმე კვირის წინ გავრცელდა. თემაზე სიუჟეტი „მოამბემაც" მოამზადა, რომელშიც უმძიმეს პირობებში მცხოვრები ოჯახი დახმარებას ადგილობრივ ხელისუფლებას სთხოვდა.