საქართველოს პირველი ტელევიზია იუბილარია - საქართველოში ტელემაუწყებლობის დაწყებიდან 60 წლის იუბილე დღეს აღინიშნება.

ეს საზოგადოებრივი მაუწყებლისა და მისი თანამშრომლებისთვის განსაკუთრებული თარიღია. 60 წლის წინ, სწორედ ამ დღეს დაიწყო მაუწყებლობა ფუნიკულიორის სტუდიიდან საქართველოს ტელევიზიამ.

მაუწყებლობის 60 წლის იუბილესთან დაკავშირებით, საზოგადოებრივ მაუყებელში დღეს საქართველოს პირველ ტელეწამყვანებს სამადლობელი სიგელები გადაეცემათ, მაუწყებლის ფოიეში კი მათი სახელობის სპეციალური სიმბოლოები - “მადლობა ერთგულებისთვის” გაიხსნება.

საზეიმო იქნება დღევანდელი ეთერი, განსხვავებული ფორმატით გავა ეთერში "მოამბის" მთავარი გამოშვება, შედგება პროექტის – "ტელემუსიკა" პრემიერა.

საზოგადოებრივი მაუწყებელი მაყურებელს სპეციალურ საიუბილეო გადაცემას შესთავაზებს.