საქართველოს პირველი რადიო დღეს იუბილარია. 92 წლის წინ ამიერკავკასიის ქვეყნებში მაუწყებლობა პირველმა სწორედ საქართველოს რადიომ დაიწყო.

საზოგადოებრივი რადიო თანამშრომლებისთვის საზოგადოებრივმა მაუწყებელმა სიმბოლური საჩუქრები მოამზადა, გაიჭრა სადღესასწაულო ტორტიც.

პირველი გადაცემა რადიოს ეთერში 1925 წლის 23 მაისს გავიდა. საზოგადოებრივი რადიო - ერთ-ერთი უძველესი რადიო ევროპაში და პირველი საქართველოში მოსახლეობის დაფინანსებით შეიქმნა.

თავისი არსით ის თავიდანვე საზოგადოებრივ მაუწყებელს წარმოადგენდა. საზოგადოებრივმა რადიომ დიდი წვლილი შეიტანა საზოგადოების ცხოვრებაში და ქართული კულტურის განვითარებაში. ათწლეულობის განმავლობაში ის ერთადერთი ქართული ელექტრონული მედიასაშუალება იყო.

საზოგადოებრივი რადიო ფლობს უნიკალურ აუდიოფონდს, რომელიც ეროვნულ სიმდიდრეს წარმოადგენს. რადიოს „ოქროს ფონდის“ უძველესი ჩანაწერი 1914 წლით თარიღდება.